Valur og Stjarnan í Evrópukeppni

Í kvöld spila íslensku liðin Valur, Stjarnan og Vestri í Evrópukeppni í fótbolta.

Stjarnan byrjar klukkan 16 og spilar á móti Ilves frá Finnlandi. Stjarnan vann fyrri leikinn 1:0 og er í góðri stöðu. Ef Stjarnan vinnur, spilar liðið næst við Rijeka frá Króatíu eða Derry frá Írlandi.

Vestri spilar næstur klukkan 18 á móti RFS frá Lettlandi. RFS vann fyrri leikinn 4:1, svo Vestri á erfitt verkefni fyrir höndum. Leikurinn fer fram á Þróttarvelli í Laugardalnum því heimavöllur Vestra á Ísafirði er ekki löglegur. Ef Vestri vinnur, mætir liðið Varazdin frá Króatíu eða Jablonec frá Tékklandi.

Síðasti leikurinn er klukkan 18.30 þegar Valur spilar á móti Zrinjski í Bosníu. Valur vann fyrri leikinn 1:0. Ef Valur vinnur, mætir liðið Gais frá Svíþjóð eða Nordsjælland frá Danmörku.