Jakob skorar í Danmörku

Jakob Gunnar Sigurðsson skoraði sitt fyrsta mark fyrir fótboltaliðið Hilleröd í Danmörku. Hilleröd tapaði samt 5:4 fyrir Vejle í spennandi leik.

Jakob kom Hilleröd í 2:1-forystu á 39. mínútu. Hann er á láni hjá Hilleröd frá öðru liði í Danmörku sem heitir Lyngby.

Hilleröd er á botni deildarinnar eftir fyrstu þrjár umferðirnar, en Vejle er á toppnum með sjö stig.

Í öðrum leik gerðu Nóel Atli Arnórsson og félagar í AaB 1:1-jafntefli við Kolding. Nóel spilaði allan leikinn og AaB er í þriðja sæti deildarinnar.