Cristian Romero fer til Spánar

Argentínski knattspyrnumaðurinn Cristian Romero er að fara frá enska liðinu Tottenham til Atlético Madrid á Spáni.

Atlético Madrid kaupir hann fyrir 40 milljónir punda. Þetta segir félagaskiptasérfræðingurinn Fabrizio Romano.

Romero er 28 ára og var fyrirliði Tottenham. Hann átti þrjú ár eftir af samningi sínum hjá liðinu.

Hann kom til Tottenham sumarið 2022 og spilaði 124 leiki fyrir liðið.

Romero er mikilvægur leikmaður í argentínska landsliðinu og hefur spilað 58 landsleiki. Hann hefur unnið heimsmeistaratitil og tvisvar sinnum Suður-Ameríkumeistaratitil með Argentínu.