Landsmót hestamanna á Hólum

Landsmót hestamanna á Hólum lauk á laugardagskvöldið með miklum tilþrifum. Þar var úrslitakeppni í A-flokki gæðinga.

Halla Tómasdóttir, forseti Íslands, afhenti verðlaun á mótinu. Hún dáðist að íslenska hestinum, rétt eins og þúsundir annarra gesta sem komu til að fylgjast með.

Í barnaflokki sigraði stúlkan Viktoría Huld Hannesdóttir á hestinum sínum, Þin frá Enni. Hún fékk 9,06 í einkunn og varði þar með titil sinn frá því fyrir tveimur árum.

Á mótinu fóru sjö hross yfir 9 í einkunn fyrir hæfileika, sem hefur aldrei gerst áður.