Breiðablik getur unnið Íslandsmeistaratitilinn

Breiðablik getur orðið Íslandsmeistari í fótbolta í dag ef þau tapa ekki fyrir Stjörnunni. Leikurinn er í Bestu deildinni og verður spilaður í Garðabæ.

Breiðablik hefur unnið Íslandsmeistaratitilinn síðustu tvö ár og er nú efst í deildinni með 46 stig. FH er í öðru sæti með 43 stig eftir að hafa tapað fyrir Þrótti í gær.

Ef Breiðablik gerir jafntefli eða vinnur Stjörnuna í kvöld, þá tryggja þau sér titilinn. Það er bara ein umferð eftir eftir þennan leik.

Í lokaumferðinni munu Breiðablik og FH mætast á Kópavogsvelli. FH þarf að vona að Stjarnan vinni Breiðablik í kvöld til að eiga möguleika á titlinum.

Leikurinn hefst klukkan 17 og hægt verður að fylgjast með honum á netinu.