Ísland vinnur Sviss í fótbolta

Davíð Helgi Aronsson, sem spilar fyrir Lyngby í Danmörku, átti frábæran leik þegar íslenska U21 árs landsliðið vann Sviss 5:1 í undankeppni EM í fótbolta. Leikurinn fór fram á Þróttarvelli í Laugardalnum.

Ísland er nú með 15 stig og er í þriðja sæti riðilsins. Þeir eru tveimur stigum á eftir Frakklandi og Sviss sem eru í tveimur efstu sætunum. Ísland þarf að vinna Færeyjar í næsta leik og vonast til að Frakkland vinni Sviss.

Davíð sagði að tilfinningin eftir leikinn væri frábær. Hann skoraði þriðja mark Íslands með góðum skalla og var mjög ánægður með að skora fyrir framan íslenska áhorfendur.

Íslenska liðið spilaði mjög vel og fylgdi leikplaninu. Þeir hafa mikla liðsheild og gaman af því að spila saman.

Næsta þriðjudag er mikilvægur leikur þar sem Ísland þarf að vinna til að eiga möguleika á að komast á lokamót EM næsta sumar.