Selfoss og HK vinna í fótbolta

Í dag voru tveir leikir í 1. deild kvenna í fótbolta. Selfoss vann Gróttu 3:0 á heimavelli. Olga Lind Gestsdóttir skoraði fyrsta markið á 24. mínútu. Í hálfleik var staðan 1:0.

Í seinni hálfleik bætti Védís Ösp Einarsdóttir við marki og Olga skoraði aftur fjórum mínútum síðar.

HK vann einnig leik í dag. Þær sigruðu Keflavík 1:0. Alma Mathiesen skoraði eina markið á 14. mínútu. Með þessum sigri fór HK upp í 5. sæti í deildinni.

Síðar í dag munu Tindastóll og FHL spila á Sauðárkróki. Í kvöld er spennandi leikur þegar topplið Hauka heimsækir KR í Vesturbænum.