Haaland skorar tvö mörk fyrir Noreg

Erling Haaland, frægur fótboltamaður frá Noregi, byrjaði mjög vel á heimsmeistaramótinu í fótbolta. Hann skoraði tvö mörk í fyrsta leiknum gegn Írak á þriðjudaginn.

Norðmenn unnu leikinn 4:1 og eru nú í efsta sæti í sínum riðli, rétt eins og Frakkar sem unnu Senegal.

Eftir leikinn var Haaland spurður hvort hann væri besti framherji heims. Hann svaraði hógværlega og sagði að Harry Kane, fyrirliði Englands, og Kylian Mbappé, fyrirliði Frakklands, væru betri en hann.

Haaland sagði: „Ég er góður en skoraði ekki nógu mörg mörk á síðustu leiktíð. Kane og Mbappé skoruðu meira en ég, svo ég er ekki bestur.“