Þróttur kemst áfram í bikarkeppni

Þróttur Reykjavík vann Víking Reykjavík 1:0 í dag og tryggði sér sæti í undanúrslitum bikarkeppni kvenna í fótbolta.

Þetta var spennandi leikur og sigurmarkið kom á 85. mínútu. Það var varnarmaðurinn María Eva Eyjólfsdóttir sem skoraði eftir hornspyrnu.

Þróttur er nú þriðja liðið til að komast í undanúrslitin, en ÍBV og Fram komust áfram í gær.

Síðasti leikurinn í átta liða úrslitunum verður spilaður klukkan 20:15 þegar Grindavík/Njarðvík mætir Stjörnunni.