Þrír leikmenn ÍR fara í nám til Bandaríkjanna

Þrír leikmenn ÍR í fótbolta, Ísak Atli Atlason, Hákon Dagur Matthíasson og Arnór Sölvi Harðarson, munu ekki spila meira á þessu tímabili.

Þeir eru allir að fara í nám til Bandaríkjanna. Ísak hefur spilað tólf leiki með ÍR á þessu ári, Hákon þrettán og Arnór fjóra.

ÍR er núna í tíunda sæti í 1. deildinni með 16 stig eftir 16 leiki. Þeir eru fimm stigum fyrir ofan Völsung sem er í fallsæti.