Ísland vinnur stórsigur á Króatíu

Ísland vann stórsigur á Króatíu í fótbolta, 5:0, í umspili fyrir heimsmeistaramótið. Diljá Ýr Zomers, landsliðskona, var mjög ánægð eftir leikinn. Hún kom inn á sem varamaður í seinni hálfleik og skoraði tvö mörk.

Diljá sagði að liðið hefði verið miklu betra allan leikinn og skapað mörg færi. Hún var ánægð með hvernig liðið spilaði og hrósaði nýjum leikmönnum sem spiluðu sinn fyrsta landsleik.

Líf Joosdóttir van Bemmel og Emelía Óskarsdóttir spiluðu sinn fyrsta leik, og Katla Tryggvadóttir og Ída Marín Hermannsdóttir skoruðu sín fyrstu mörk fyrir landsliðið.

Diljá sagði að það væri frábært að hafa svona marga góða leikmenn í liðinu sem eru tilbúnir fyrir stóra sviðið. Ísland vann einvígið 9:0 samanlagt og Diljá var ekki hissa á því, því liðið mætti af krafti og virðingu til leiks.