Fallegir búningar á heimsmeistaramóti í fótbolta

Halldór Smári Sigurðsson, sem er margfaldur Íslandsmeistari og búningahönnuður, segir að fallegir búningar geti hjálpað fótboltaliðum að spila betur. Hann talaði um þetta í sérstökum þætti fyrir heimsmeistaramótið í fótbolta.

Í ár taka 48 lið þátt í mótinu, sem er það fjölmennasta hingað til. Búningar liðanna eru mjög fjölbreyttir. Til dæmis eru heimsmeistarar Argentínu í sínum hefðbundna hvíta og bláa búningi.

Halldór útskýrði að í búningum Argentínu væru þrír mismunandi bláir litir. Þeir hafa unnið heimsmeistaratitilinn þrisvar og alltaf haft bláan lit í treyjunum sínum, en liturinn hefur verið breytilegur. Nú blanda þeir litunum saman.

Halldór segir að þegar leikmenn líta vel út í búningum sínum, þá líði þeim vel, og þegar þeim líður vel, þá spila þeir vel.