Birmingham vann Barcelona í æfingaleik

Í gærkvöldi spiluðu fótboltaliðin Birmingham og Barcelona æfingaleik í Birmingham. Það var óvænt Birmingham sem vann leikinn eftir vítaspyrnukeppni.

Barcelona stillti ekki upp sínu sterkasta liði því margir leikmenn voru að hvíla sig eftir langt heimsmeistaramót. Birmingham skoraði fyrsta mark leiksins á 31. mínútu.

Hamza Abdelkarim jafnaði metin fyrir Barcelona af vítapunktinum, svo staðan var jöfn í hálfleik. Abdelkarim skoraði aftur á 60. mínútu og kom Barcelona yfir. En Jhon Elmer Solis Romero jafnaði aftur átta mínútum síðar.

Eftir 90 mínútur var staðan jöfn, 2:2, og því þurfti að fara í vítaspyrnukeppni. Þar vann Birmingham óvænt sigur.

Jude Bellingham, sem áður spilaði með Birmingham, var í stúkunni að styðja gamla liðið sitt. Hann spilaði með unglingaliðum Birmingham frá 2010 til 2019 og lék fyrsta leik í meistaraflokki sama ár.