Declan Rice bestur hjá Arsenal

Declan Rice hefur verið valinn besti leikmaður Arsenal í fótbolta annað árið í röð. Þetta gerðist eftir að stuðningsmenn Arsenal kusu hann sem besta leikmann liðsins.

Arsenal varð Englandsmeistari í fyrsta sinn í 22 ár í vor, og Declan Rice var mikilvægur leikmaður í því liði. Hann spilaði 55 leiki á nýliðnu tímabili, skoraði fimm mörk og gaf níu stoðsendingar.

Rice kom til Arsenal frá West Ham sumarið 2023, og síðan þá hefur hann leikið 158 leiki fyrir félagið. Hann hefur skorað 21 mark og lagt upp 28 mörk fyrir félagið.

Declan Rice er einnig mikilvægur leikmaður í enska landsliðinu og er varafyrirliði þar.