Natasha Anasi hættir í fótbolta

Natasha Anasi, sem hefur verið landsliðskona í fótbolta, hefur ákveðið að hætta að spila fótbolta. Ástæðan er sú að hún á von á sínu öðru barni.

Natasha var heiðruð á fótboltaleik Grindavíkur/Njarðvíkur og ÍBV. Hún fékk innrammaða treyju með nöfnum allra íslenskra félaga sem hún hefur spilað með.

Natasha kemur frá Texas í Bandaríkjunum en flutti til Íslands árið 2014. Hún hefur spilað með mörgum liðum á Íslandi, eins og ÍBV, Keflavík, Val og Breiðabliki, og einnig með Brann í Noregi.

Hún er 35 ára og hefur spilað níu leiki fyrir íslenska landsliðið. Natasha var einnig í landsliðinu á Evrópumótinu í Sviss síðasta sumar.

Natasha er gift Rúnari Inga Erlusyni, sem er körfuboltaþjálfari. Þau eiga saman einn son.