Arnór Sigurðsson fer til Grikklands

Knattspyrnumaðurinn Arnór Sigurðsson hefur verið keyptur af gríska liðinu Kalamata. Hann hefur áður spilað með Malmö í Svíþjóð.

Arnór er 27 ára gamall og hefur skorað tvö mörk í 27 leikjum fyrir Malmö. Hann kom til Malmö frá Blackburn í Englandi í fyrra.

Arnór er frá Akranesi og hefur einnig spilað með Norrköping í Svíþjóð, CSKA Moskvu í Rússlandi og Venezia á Ítalíu.

Kalamata verður nýtt lið í grísku úrvalsdeildinni á næsta tímabili. Arnór hefur spilað 36 leiki fyrir íslenska landsliðið og skorað tvö mörk.