Heiðursgestir á fótboltaleik

Á þriðjudaginn verður sérstakur viðburður á Laugardalsvelli þegar íslenska kvennalandsliðið í fótbolta frá árinu 2009 verður heiðrað. Þetta er liðið sem tók þátt í Evrópumótinu í Finnlandi árið 2009.

Þorvaldur Örlygsson, formaður KSÍ, tilkynnti þetta á heimasíðu sambandsins. Árið 2009 var í fyrsta sinn sem íslenska kvennalandsliðið komst í lokakeppni Evrópumótsins.

Þjálfari liðsins á þeim tíma var Sigurður Ragnar Eyjólfsson. Frá árinu 2009 hefur íslenska liðið alltaf komist í lokamót Evrópumótsins.

Þorvaldur segir að þetta lið hafi rutt brautina fyrir framtíðarkynslóðir í íslenskum kvennafótbolta. Árangur þeirra hjálpaði til við að byggja upp sterkt lið í dag.

Þess vegna hefur KSÍ boðið leikmönnum og starfsfólki liðsins frá 2009 að vera heiðursgestir á leik Íslands og Króatíu.