Breiðablik vinnur bikarinn

Breiðablik vann Aftureldingu 2:1 í bikarúrslitum í fótbolta á Laugardalsvelli. Þetta er í annað sinn sem Breiðablik verður bikarmeistari. Leikurinn var spennandi og Höskuldur Gunnlaugsson, fyrirliði Breiðabliks, skoraði fyrsta markið á fjórðu mínútu.

Höskuldur sagði að þetta væri dýrmæt stund fyrir liðið. Þeir mættu vel undirbúnir og voru baráttuglaðir frá fyrstu mínútu. Þrátt fyrir að Afturelding hafi reynt að jafna, þá stóð Breiðablik sig vel og vann leikinn.

Þetta var mikilvægt fyrir Breiðablik því liðið hefur ekki gengið eins vel í deildinni. Þeir eru stoltir af árangrinum og ætla að halda áfram að leggja sig fram í næstu leikjum.

Eftir leikinn ætlaði liðið að fagna sigri sínum í Smáranum langt fram á nótt.