Dómarar frá Albaníu dæma leik Íslands

Enea Jorgji, sem kemur frá Albaníu, mun dæma næsta leik íslenska karlalandsliðsins í fótbolta. Leikurinn verður gegn Lúxemborg í Þjóðadeild Evrópu og fer fram á þriðjudaginn.

Allt dómarateymið kemur frá Albaníu. Með Enea Jorgji verða Denis Rexha og Ridiger Cokaj til aðstoðar.

Áður í sumar dæmdi Jorgji leik á milli Víkings og Borac Banja Luka á Víkingsvelli. Í þeim leik vann bosníska liðið 3:1.

Ísland gerði jafntefli, 1:1, gegn Eistlandi á Laugardalsvelli í gær.