Hlynur Freyr spilar fyrsta leikinn sinn

Hlynur Freyr Karlsson spilaði sinn fyrsta leik fyrir Breiðablik í kvöld. Liðið hans gerði markalaust jafntefli við FH á útivelli í Bestu deildinni í fótbolta.

Hlynur sagði eftir leikinn að þetta hefði verið erfiður útivöllur. Hann var ánægður með að halda hreinu, sem þýðir að liðið fékk ekki á sig mark. Hann taldi að eitt mark hefði átt að telja en dómarinn var ekki sammála.

Hlynur er mjög ánægður með að vera kominn í Breiðablik. Hann segir að hópurinn sé frábær og að það sé skemmtilegt að vera hluti af liðinu. Leikskipulagið er aðeins öðruvísi en hann er vanur, en það er góð áskorun.

Breiðablik er nú í fjórða sæti í deildinni, sjö stigum á eftir Fram sem er í þriðja sæti. Hlynur segir að liðið taki einn leik í einu og reyni að ná í sem flest stig.