Sarina Wiegman heldur áfram með enska landsliðið

Hollenski þjálfarinn Sarina Wiegman hefur skrifað undir nýjan samning við enska knattspyrnusambandið. Hún mun halda áfram að þjálfa enska kvennalandsliðið í fótbolta til ársins 2029.

Samningur hennar átti að renna út eftir heimsmeistaramótið í Brasilíu næsta sumar, en nú gildir hann til Evrópumótsins í Þýskalandi árið 2029.

Sarina tók við enska landsliðinu árið 2021 og hefur liðið náð miklum árangri undir hennar stjórn. England varð Evrópumeistari í bæði skiptin sem liðið tók þátt í mótinu.

Árið 2023 komst England í úrslitaleik heimsmeistaramótsins en tapaði fyrir Spáni. Áður en Sarina tók við enska landsliðinu, þjálfaði hún hollenska landsliðið og gerði það að Evrópumeistara árið 2017.