Albert meiddist í fótboltaleik

Albert Guðmundsson, sem er frægur fótboltamaður, meiddist í leik á móti Eistlandi. Hann lenti illa á öxlinni og þurfti að hætta að spila í fyrri hálfleik.

Albert fór úr axlarlið og þarf að fara í segulómun til að sjá hversu alvarleg meiðslin eru. Þetta þýðir að hann getur ekki spilað með íslenska landsliðinu í næstu leikjum.

Ísland á að spila við Lúxemborg á þriðjudaginn, Búlgaríu á laugardaginn og Eistland aftur 6. október. Það er mikilvægur tími fyrir liðið, en Albert verður því miður ekki með.