Spennandi fótboltaleikur í Kópavogi

Íslandsmeistarar Víkings frá Reykjavík unnu Breiðablik, 2:1, í mjög spennandi leik í Kópavogi. Leikurinn var hluti af 26. umferð Bestu deildar karla í fótbolta.

Í leiknum voru gefin fjögur rauð spjöld. Víkingur er nú efst í deildinni með 63 stig, en Breiðablik er í fjórða sæti með 36 stig.

Jónatan Guðni Arnarsson skoraði fyrir Breiðablik á 20. mínútu. En aðeins mínútu síðar fékk Anton Logi Lúðvíksson rautt spjald fyrir að brjóta á leikmanni Víkings.

Þjálfari Breiðabliks, Ólafur Ingi Skúlason, fékk líka rautt spjald á 41. mínútu fyrir að mótmæla dómaranum.

Daníel Hafsteinsson jafnaði fyrir Víking á 62. mínútu og Sveinn Margeir Hauksson skoraði sigurmarkið sex mínútum síðar.

Í lok leiksins fengu Daníel Hafsteinsson og leikmaður Breiðabliks, Ásgeir Helgi Orrason, bæði rauð spjöld.