Sara Björk spilar aftur með Haukum

Sara Björk Gunnarsdóttir spilaði sinn fyrsta leik með Haukum í 18 ár. Leikurinn var á móti HK í 1. deild kvenna í fótbolta og endaði með 2:0 sigri fyrir HK.

HK jafnaði Hauka að stigum með þessum sigri og er nú í þriðja sæti deildarinnar. Haukar eru í fjórða sæti.

Fyrsta mark leiksins kom á 78. mínútu þegar Valgerður Lilja Arnarsdóttir skoraði fyrir HK. Þremur mínútum síðar skoraði Henríetta Ágústsdóttir annað mark fyrir HK.

Sara Björk spilaði allan leikinn fyrir Hauka. Hún gekk aftur í raðir uppeldisfélagsins í sumar eftir langan og farsælan feril í atvinnumennsku.