Engir stuðningsmenn frá Ísrael koma

Íslandsmeistarar Víkings ætla að spila gegn Hapoel Be'er Sheva, sem eru meistarar í Ísrael, í fótboltaleik. Leikurinn verður í Víkinni klukkan 19 í undankeppni Meistaradeildar Evrópu.

Allir miðar á leikinn voru seldir til stuðningsmanna Víkings. Gestaliðið frá Ísrael átti að fá 88 miða, en nú hefur komið í ljós að enginn stuðningsmaður Hapoel Be'er Sheva kemur til Íslands.

Þetta var sagt á stuðningsmannasíðu Víkings á Facebook. Þessir miðar verða því seldir til stuðningsmanna Víkings í staðinn.