Þýska landsliðið hjálpar stuðningsmönnum

Þýska karlalandsliðið í fótbolta ætlar að borga ferðakostnað fyrir 600 stuðningsmenn sem fara með rútu á síðasta leik liðsins í riðlakeppninni.

Leikurinn verður á MetLife-vellinum í New Jersey þar sem Þýskaland mætir Ekvador. Til að komast á völlinn er best að taka lest frá miðborg New York.

Venjulega kostar lestarmiði 12,90 dali frá miðborg New York en fyrir mótið var verðið hækkað í 150 dali og síðan lækkað í 98 dali.

Rútuferð kostar 20 dali en áður kostaði hún 80 dali. Þýska knattspyrnusambandið segir að leikmenn liðsins hafi ákveðið að bjóða ókeypis rútuferðir fyrir stuðningsmenn vegna hás kostnaðar.