Ísland gæti mætt Portúgal í fótbolta

Portúgal vann Norður-Írland 4:0 í fótboltaleik. Þetta var fyrri leikur liðanna í undanúrslitum umspils um sæti á lokamóti heimsmeistaramóts kvenna.

Sigurliðið í þessu einvígi mætir annað hvort Íslandi eða Króatíu í úrslitum. Ísland vann Króatíu með sömu markatölu í fyrri leik þeirra.

Telma Encarnação skoraði fyrsta mark Portúgals úr víti á 8. mínútu. Jéssica Silva bætti við öðru marki á 22. mínútu. Þriðja markið var sjálfsmark hjá leikmanni Norður-Írlands og Fátima Pinto gerði fjórða markið á 83. mínútu.

Ísland á harma að hefna gegn Portúgal því liðin mættust áður í mikilvægum leik um sæti á heimsmeistaramótinu 2023, þar sem Portúgal vann eftir framlengdan leik.