Gylfi skrifar undir nýjan samning við Víking

Knattspyrnumaðurinn Gylfi Þór Sigurðsson hefur skrifað undir nýjan samning við fótboltaliðið Víking úr Reykjavík. Samningurinn gildir til ársins 2027.

Gylfi gekk til liðs við Víking í fyrra og hjálpaði liðinu að vinna Íslandsmeistaratitilinn. Hann hefur leikið 46 leiki fyrir Víking og skorað 13 mörk.

Gylfi er mjög frægur fótboltamaður og hefur spilað með stórum liðum eins og Tottenham og Everton í Englandi. Hann hefur líka spilað 86 leiki fyrir íslenska landsliðið og skorað 28 mörk.

Víkingur hefur einnig samið við annan leikmann, Karl Friðleif Gunnarsson. Liðið mætir KR í mikilvægum leik í kvöld.