Elliot Anderson verður dýrasti leikmaðurinn

Elliot Anderson, sem er 23 ára gamall miðjumaður, verður fljótlega dýrasti leikmaður enska úrvalsdeildarinnar. Manchester City, stórt knattspyrnufélag í Englandi, ætlar að kaupa hann frá Nottingham Forest.

Manchester City mun borga um 130 milljónir punda fyrir Anderson. Þetta er meira en það sem Liverpool borgaði fyrir sænska framherjann Alexander Isak, sem var áður dýrasti leikmaðurinn.

Elliot Anderson byrjaði að spila fótbolta hjá Newcastle en fór til Nottingham Forest sumarið 2024. Þar hefur hann spilað 92 leiki og skorað sex mörk.

Nú er Anderson að keppa með enska landsliðinu á heimsmeistaramótinu í Norður-Ameríku. Hann mun fara í læknisskoðun í Bandaríkjunum áður en hann gengur til liðs við Manchester City.