Pétur leggur flautuna á hilluna

Knattspyrnudómarinn Pétur Guðmundsson hefur ákveðið að hætta að dæma fótboltaleiki. Hann hefur verið dómari í efstu deild í rúm 12 ár. Fyrsti leikurinn sem hann dæmdi í efstu deild var árið 2014 þegar Valur og Þór spiluðu saman.

Síðasti leikurinn hans var um síðustu helgi á Akureyri þar sem KA vann ÍBV með 5 mörkum gegn 1. Pétur er elsti dómari sem hefur dæmt í efstu deild, en hann er 57 ára gamall.

Árið 2018 var ákveðið að dómarar mættu halda áfram að dæma eftir fimmtugt, en áður var það ekki leyfilegt. Pétur var mjög vinsæll meðal leikmanna og hefur oft verið valinn dómari ársins. Hann var valinn dómari ársins í Bestu deild karla þrjú ár í röð, frá 2022 til 2024, og einnig árin 2019 og 2020.