Leynir og Þorgeir í efsta sæti

Í dag lauk sérstakri forkeppni í A-flokki gæðinga á Landsmóti hestamanna í Skagafirði.

Þorgeir Ólafsson, knapi á hestinum Leyni frá Garðshorni á Þelamörk, náði efsta sætinu. Þeir keppa fyrir hestamannafélagið Jökul og fengu einkunnina 8,93.

Í öðru sæti var Hans Þór Hilmarsson á hestinum Sindra frá Hjarðartúni með einkunnina 8,92. Hann keppir fyrir hestamannafélagið Geysi.

Þriðja sætið fékk Ásmundur Ernir Snorrason á Aski frá Holtsmúla 1 með einkunnina 8,90, einnig fyrir Geysi.

Til að komast í milliriðla þurfti að fá að minnsta kosti 8,63 í einkunn. Alls kepptu 104 pör í dag.