Endurnýttar tölvur vinsælar

Á þessu ári hafa nærri fjórðungur allra tölva sem seldar eru í netverslun tæknifyrirtækisins OK verið endurnýttar HP-tölvur.

Guðmundur Ómarsson, sem stjórnar netversluninni hjá OK, segir að fyrir nokkrum árum hefði þetta verið ótrúlegt. Endurnýttur búnaður var áður talinn neyðarúrræði, en nú velja fyrirtæki hann af ásettu ráði.

„Við sáum aukninguna strax í byrjun árs og hún hefur haldist út árið. Nú eru það ekki bara lítil fyrirtæki sem kaupa ódýrar tölvur, heldur líka stærri fyrirtæki og stofnanir,“ segir Guðmundur.

Ástæðurnar fyrir þessu eru þrjár: endurnýttar tölvur eru ódýrari, þær hjálpa umhverfinu og stuðla að sjálfbærni í innkaupum.