Dagur gengur til liðs við San Diego FC

Dagur Dan Þórhallsson, sem er landsliðsmaður í fótbolta, hefur gengið til liðs við San Diego FC í bandarísku MLS-deildinni. Hann var áður hjá CF Montréal.

Dagur er 26 ára og hefur skrifað undir samning við San Diego FC til tveggja ára. Félagið borgar hálfa milljón bandaríkjadala fyrir hann.

Þetta er þriðja félagið sem Dagur spilar með í MLS-deildinni. Áður lék hann með Orlando City og CF Montréal.

Á þessu tímabili hefur Dagur spilað í 10 leikjum og skorað eitt mark. San Diego FC er í 13. sæti í vesturhluta deildarinnar með 17 stig.