Skoda Elroq vinsælasti nýi bíllinn í október

Skoda Elroq var mest seldi nýi bíllinn á Íslandi í október. Alls voru 50 bílar af þessari gerð seldir. Þetta kemur fram í tilkynningu frá bílaumboðinu Heklu.

Það var mjótt á mununum á milli þriggja mest seldu bílanna. Toyota BZ4X Touring var í öðru sæti með 46 seldar einingar og BYD Sealion 7 í þriðja sæti með 45. Aðeins fimm bílar skildu að fyrsta og þriðja sætið.

Allir þrír bílarnir eru rafbílar.

Október var stærsti sölumánuður ársins fyrir bílasölu á Íslandi. Í heildina voru 863 nýir bílar seldir til einstaklinga í mánuðinum.

Í tilkynningu Heklu segir að árangur Elroq endurspegli góðar viðtökur bílsins hér á landi og auknar vinsældir Skoda.