Messi slær met á HM

Lionel Messi, frægur fótboltamaður frá Argentínu, hjálpaði liðinu sínu að vinna Egyptaland 3:2 í mikilvægum leik á heimsmeistaramótinu í fótbolta. Leikurinn var haldinn í Atlanta.

Argentína var undir 2:0 þegar um stundarfjórðungur var eftir af leiknum. Þá byrjaði Messi að spila mjög vel. Hann hjálpaði Cristian Romero að skora fyrsta markið og skoraði svo sjálfur jöfnunarmarkið, 2:2.

Enzo Ferández skoraði sigurmarkið fyrir Argentínu í uppbótartíma.

Messi hefur nú skorað átta mörk á mótinu og er markahæstur allra. Hann er einnig sá leikmaður sem hefur skorað flest mörk á einu móti yfir 30 ára gamall. Hann sló sitt eigið met frá HM í Katar 2022 þegar hann skoraði sjö mörk.

Auk þess setti hann tvö önnur met: Hann hefur nú skorað í níu HM-leikjum í röð og í sex útsláttarleikjum HM í röð, sem enginn annar leikmaður hefur gert áður.