Engar vatnspásur í Meistaradeildinni

UEFA, sem er Knattspyrnusamband Evrópu, ætlar ekki að hafa svokallaðar vatnspásur í Meistaradeildinni eða á Evrópumótinu í fótbolta árið 2028.

Vatnspásur hafa verið gagnrýndar á heimsmeistaramótinu í fótbolta, sem er nú í gangi. Talsmaður UEFA sagði við blaðið The Telegraph að engar slíkar pásur yrðu í þessum mótum.

Evrópumótið árið 2028 verður haldið í Englandi, Skotlandi, Wales og á Írlandi. Samkvæmt reglum UEFA má stöðva leikinn ef það er mjög heitt, en það er alltaf dómarinn í leiknum sem ákveður það.