Breiðablik á toppnum í fótbolta

Breiðablik vann Víking 4:1 í fótbolta og fór á toppinn í Bestu deild kvenna. Leikurinn fór fram á heimavelli Breiðabliks í 11. umferðinni.

Breiðablik er nú með 24 stig, sem er einu stigi meira en FH sem er í öðru sæti. FH á þó eftir að spila einn leik. Víkingur er í áttunda sæti með 10 stig.

Í fyrri hálfleik var ekkert skorað, en í seinni hálfleik skoruðu fjórar stelpur úr Breiðabliki. Þær heita Edith Kristín Kristjánsdóttir, Líf Joostdóttir van Bemmel, Ólöf Sigríður Kristinsdóttir og Ólöf Margrét Marvinsdóttir.

Bergdís Sveinsdóttir skoraði mark fyrir Víking á 90. mínútu og minnkaði muninn.