Baldur hvetur fólk til að mæta á fótboltaleik

Baldur Hannes Stefánsson er fyrirliði fótboltaliðsins Þróttar R. Hann vill sjá sem flesta mæta á úrslitaleik liðsins í dag. Leikurinn er í umspili 1. deildarinnar og fer fram á Laugardalsvelli.

Baldur hefur alltaf spilað með Þrótti og nú eiga þeir möguleika á að komast upp í efstu deild. Þetta væri í fyrsta sinn síðan 2016.

Um síðustu helgi unnu stelpur Þróttar bikarmeistaratitilinn í fyrsta sinn í sögu félagsins. Baldur var ánægður með hversu margir mættu á þann leik og vonar að það verði svipað í dag.

„Ég sá stelpurnar verða bikarmeistara með frábærri mætingu og nú er mikilvægur leikur hjá okkur strákunum. Ég hvet alla til að kaupa miða og upplifa þetta með okkur,“ sagði Baldur.