Hjörtur Hermannsson í Gautaborg

Knattspyrnumaðurinn Hjörtur Hermannsson hefur gengið til liðs við sænska fótboltaliðið Gautaborg. Hjörtur er 31 árs gamall og kemur frá liði í Grikklandi sem heitir Volos. Þar spilaði hann á síðasta tímabili.

Hjörtur er uppalinn hjá Fylki í Árbænum og hefur áður spilað með Gautaborg. Hann var þá í láni frá hollenska liðinu PSV árið 2016. Hjörtur hefur einnig spilað í Hollandi, Danmörku og á Ítalíu á ferli sínum.

Hann hefur spilað 32 leiki með íslenska landsliðinu og skorað eitt mark. Annar Íslendingur, Kolbeinn Þórðarson, spilar einnig með Gautaborg. Liðið er í 14. sæti í sænsku úrvalsdeildinni.