Heiðdís spilar aftur fótbolta

Heiðdís Lillýardóttir hefur ákveðið að byrja aftur að spila fótbolta. Hún er nú gengin í lið Hauka í Hafnarfirði. Heiðdís hætti að spila í byrjun ársins en hefur nú tekið fram skóna aftur.

Heiðdís er 30 ára varnarmaður og hefur spilað með mörgum liðum. Hún spilaði lengi með Breiðabliki og var líka atvinnumaður hjá Benfica í Portúgal og Basel í Sviss.

Heiðdís ólst upp á Egilsstöðum og byrjaði ferilinn sinn með Hetti. Hún hefur unnið þrjá Íslandsmeistaratitla og þrjá bikarmeistaratitla með Breiðabliki.

Haukar eru í 4. sæti í 1. deild kvenna. Heiðdís mun nú hjálpa liðinu að ná enn betri árangri.