Heimsmeistarar í fótbolta

Heimsmeistaramótið í fótbolta er nú komið í undanúrslit. Í nótt vann Argentína Sviss með 3:1 og nú er ljóst hvaða lið mætast næst.

Á þriðjudaginn keppa Spánn og Frakkland, en á miðvikudaginn mætir England Argentínu. Það verður ekki nýr heimsmeistari í ár því öll þessi lið hafa unnið áður.

Argentína hefur unnið heimsmeistaratitilinn þrisvar sinnum, árin 1978, 1986 og 2022. Frakkland hefur unnið tvisvar, árin 1998 og 2018.

England og Spánn hafa unnið einu sinni hvort. England vann árið 1966 og Spánn árið 2010.

Aðeins átta þjóðir hafa unnið heimsmeistaratitilinn síðan fyrsta mótið var haldið árið 1930. Brasilía hefur unnið fimm sinnum, sem er oftast. Ítalía og Þýskaland hafa unnið fjórum sinnum hvor, og Úrúgvæ tvisvar, árin 1930 og 1950.