FC Köbenhavn gerði jafntefli

FC Köbenhavn gerði 1:1 jafntefli við OB í dönsku úrvalsdeildinni í fótbolta. Ef FC Köbenhavn hefði unnið leikinn, hefði liðið komist á toppinn í deildinni. Nú er liðið tveimur stigum á eftir Midtjylland, þar sem markvörðurinn Elías Rafn Ólafsson spilar.

Þetta var þriðji leikur FC Köbenhavn án sigurs í deildinni, en öll liðin hafa nú leikið tólf leiki.

Framherjinn Viktor Bjarki Daðason kom inn á sem varamaður þegar um það bil hálftími var eftir af leiknum. Rúnar Alex Rúnarsson var á varamannabekknum en Gunnar Orri Olsen var ekki í leikmannahópi liðsins.