Spennandi fótboltaleikur á Reyðarfirði

FHL vann HK 3:2 í spennandi fótboltaleik í Fjarðarbyggðarhöllinni á Reyðarfirði.

Leikurinn var í 1. deild kvenna í fótbolta. FHL er í 7. sæti deildarinnar með 17 stig eftir 12 leiki. HK er í 3. sæti með 20 stig eftir 13 leiki.

Celia Maria Ruano Trujillo skoraði fyrsta markið fyrir FHL á 36. mínútu. Brooklyn Mae Nelson bætti við öðru marki í upphafi síðari hálfleiks.

Katrín Ágústsdóttir minnkaði muninn fyrir HK á 77. mínútu. Alexis Simone Wright skoraði þriðja markið fyrir FHL á 90. mínútu. Katrín skoraði aftur fyrir HK seint í uppbótartíma, en það dugði ekki til að jafna leikinn og FHL vann.