Stjarnan spilar innanhúss

Stjarnan er að spila næstu leiki sína í fótbolta innanhúss í knattspyrnuhúsinu Miðgarði í Garðabæ. Þetta er vegna þess að verið er að skipta um gervigras á aðalvelli Stjörnunnar, en sú framkvæmd hefur tekið lengri tíma en búist var við.

Karlalið Stjörnunnar mun keppa við ÍBV í 22. umferð á sunnudaginn klukkan 14. Kvennaliðið fær Víking í heimsókn í 18. umferð á mánudaginn 7. september, klukkan 19:15.

Stjarnan hefur þegar spilað tvo leiki í Miðgarði. Kvennaliðið vann Íslandsmeistara Breiðabliks 2:0 þann 20. ágúst og karlaliðið vann Þór 4:2 þremur dögum síðar.