Freyr þjálfar Rosenborg í Noregi

Freyr Alexandersson er nýr þjálfari hjá norska knattspyrnuliðinu Rosenborg. Hann tók við liðinu í júní og skrifaði undir samning til þriggja og hálfs árs. Rosenborg er eitt af sigursælustu liðum Noregs og hefur unnið norsku deildina 26 sinnum.

Þegar Freyr tók við var liðið í næstneðsta sæti deildarinnar. En í fyrsta leiknum undir stjórn Freys vann Rosenborg 3:0 sigur á Kristiansund. Þetta var mikilvægur sigur sem gaf leikmönnunum sjálfstraust.

Freyr segir að leikmennirnir hafi tekið vel á móti honum og að þeir hafi æft vel saman. Hann er ánægður með hvernig fyrstu vikurnar hafa gengið og vonar að liðið geti haldið áfram að bæta sig.

Markmið Freys er að tryggja að liðið falli ekki og að byggja upp góðan anda innan liðsins. Hann vill að stuðningsmennirnir verði stoltir af liðinu og að það sé gaman að horfa á þá spila.

Freyr var áður þjálfari hjá öðru norsku liði, Brann, en var óvænt sagt upp störfum þar í byrjun júní.