Breki fer til Noregs að spila fótbolta

Norska fótboltaliðið Egersund hefur samið við Keflavík um að fá leikmanninn Þorlák Breka Baxter. Breki, sem er 21 árs gamall, mun spila með Egersund í tvö ár, með möguleika á að framlengja samninginn um eitt ár.

Breki er miðjumaður og skoraði tvö mörk í 18 leikjum með Keflavík í sumar. Hann hefur áður leikið með liðum eins og Hetti, Selfossi, Stjörnunni og ÍBV á Íslandi.

Egersund er í áttunda sæti í norsku B-deildinni. Þar spilar einnig annar Íslendingur, Hinrik Harðarson, og Haraldur Árni Hróðmarsson er aðstoðarþjálfari liðsins.