Brynja fer í nám og fótbolta í Bandaríkjunum

Brynja Rún Knudsen er 19 ára og hefur spilað fótbolta með Þrótti í Reykjavík. Núna er hún farin til Bandaríkjanna til að stunda nám við A&M-háskólann í Texas. Þar mun hún líka spila fótbolta með háskólaliðinu sem heitir Aggies.

Brynja er enn í Þrótti og mun koma aftur til að spila með þeim á næsta tímabili. Hún hefur spilað sjö leiki í Bestu deildinni í sumar og skoraði eitt mark.

Þróttur, liðið hennar Brynju, er í fimmta sæti í deildinni með 13 stig.