Prjónarar á fjarfundum

Íslandsstofa hefur hafið nýja og skemmtilega herferð þar sem íslenskir prjónarar taka þátt. Markmiðið er að hvetja fólk til að eyða minni tíma á óþarfa fundum og meiri tíma í að njóta lífsins.

Salka Sól Eyfeld og Bergþór Pálsson leiða hóp af þrjátíu prjónurum sem sitja fjarfundi fyrir fólk sem vill gera eitthvað skemmtilegra með tímann sinn.

Þessi herferð heitir AI Knittakers. Í stað þess að nota gervigreind til að skrá fundargerðir, mæta prjónarar á fundina. Þeir fylgjast með því sem gerist og prjóna eitt orð úr íslenskri ull sem lýsir fundinum.

Salka Sól lærði að prjóna sjálf með hjálp YouTube og hefur gefið út prjónabók. Hún vakti athygli þegar hún prjónaði lopapeysu fyrir Volodímír Zelenskí, forseta Úkraínu.

Bergþór er einnig mikill prjónaáhugamaður og hefur prjónað fallegar peysur sem hafa vakið athygli utan Íslands.

Þeir sem vilja láta íslenskan prjónara sitja fund fyrir sig geta bókað þessa þjónustu á vefsíðunni AIKnittaker.com. Þjónustan er í boði frá 29. október til 20. nóvember.