Eyjakonur komast áfram í bikarkeppni

ÍBV, fótboltalið kvenna frá Vestmannaeyjum, vann spennandi leik gegn FH í dag. Leikurinn var hluti af bikarkeppni kvenna í knattspyrnu.

Allison Grace Lowrey skoraði fyrsta markið fyrir ÍBV strax á fjórðu mínútu. FH jafnaði metin rétt fyrir lok fyrri hálfleiks þegar Ída Marín Hermannsdóttir skoraði.

ÍBV komst aftur yfir á 49. mínútu með marki frá Alisson Patricia Clark. En Berglind Freyja Hlynsdóttir jafnaði aftur fyrir FH þegar tíu mínútur voru eftir af venjulegum leiktíma.

Leikurinn endaði 2:2 og þurfti því að grípa til framlengingar. Þar skoraði Avery Mae Vanderven sigurmark ÍBV á 104. mínútu.

Fram komst einnig í undanúrslit í dag með stórsigri á FHL. Á morgun spila Þróttur og Víkingur, og Grindavík/Njarðvík mætir Stjörnunni.