Styrktarleikur á Selfossi

Á Selfossi var haldinn sérstakur styrktarleikur í fótbolta þar sem Selfoss og Árborg mættust. Leikurinn var til að safna peningum fyrir heimahjúkrun á Heilbrigðisstofnun Suðurlands. Alls söfnuðust um 6,4 milljónir króna.

Leikurinn var haldinn til minningar um Helgu Guðmundsdóttur sem lést nýlega. Hún hafði óskað eftir því að ágóðinn rynni til heimahjúkrunar.

Selfoss vann leikinn 5:0. Sérstök stund skapaðist þegar Aron Fannar Birgisson, sonur Helgu, skoraði fimmta markið. Hann fagnaði með því að halda á lofti Selfoss-treyju sem var merkt móður hans.

Aron sagði eftir leikinn að þetta hefði verið stórkostlegur dagur, og að það hefði verið frábært að vinna leikinn 5:0.